"Ливерпуль" "Штутгарт"нинг 23 ёшли ярим ҳимоячиси Анжело Штиллерга қизиқмоқда, Европа матбуоти уни "Реал"нинг собиқ ярим ҳимоячиси Тони Кроосга қиёсламоқда. Бу ҳақда журналист Caught Offside хабар берди.
Манбага кўра, германиялик футболчининг шартномасида 36 млн евро миқдоридаги товон пули банди мавжуд бўлиб, у 2026 йилдан кучга киради. Бироқ мерсисайдликлар келгуси ёзда Штиллерни катта маблағ эвазига қўлга киритишга уриниб кўришлари мумкин.
Жорий мавсумда Штиллер барча мусобақаларда 37 та ўйинда майдонга тушиб, 3 та гол ва 6 та голли узатмага муаллифлик қилди.
