Avvalroq, «Manchester Yunayted» vingeri Premyer-liga jamoasiga o‘tishidan oldin Niderlandiya klubining maoshdan ushlab qolgan pullarni qaytarib olish maqsadida Niderlandiya Qirollik futbol uyushmasiga murojaat qilgandi.
Amsterdam klubi braziliyalik futbolchini "Ayaks"ning "mankunianliklar" bilan muzokara olib borayotganidan norozi bo‘lib, mashg‘ulotlarni o‘tkazib yuborgani uchun uch marta jarimaga tortdi. Antoni ham jarohat olmagan bo‘lsa-da, o‘yinlarning birida ishtirok etmadi.
Bugun Erediviziya yetakchilari futbolchi bilan kelishuvga erishgani va har ikki tomonni ham qanoatlantiradigan yechim topilganini ma’lum qildi.
Arbitraj jarayoni tugatildi. "Ayaks" sud jarayoni natijalari haqida batafsilroq ma’lumot berishdan bosh tortdi.
