"Real" va La Liga "Barselona" shifokori vafoti munosabati bilan hamdardlik bildirdi.
Bugun La Liga 27-turidan o‘rin olgan "Barselona" - "Osasuna" uchrashuvi kataloniyaliklar tibbiy shtabi a’zosi Karles Minyarro vafoti sabab qoldirildi.
"Real Madrid," uning prezidenti va direktorlar kengashi "Barselona" shifokori Karles Minyarro Garsiyaning vafotidan chuqur afsusda.
"Real" uning oila a’zolari, hamkasblari, "Barselona" va barcha yaqinlariga hamdardlik bildiradi. Joyingiz jannatda bo‘lsin," - deya xabar bermoqda Madrid klubi matbuot xizmati.
"La Liga "Barselona" asosiy jamoasi bosh shifokori doktor Karles Minyarro vafot etganini afsus bilan ma’lum qiladi va shu munosabat bilan "Barselona" va "Osasuna" o‘rtasidagi bugungi o‘yin musobaqa hakami qaroriga qadar qoldirilganini ma’lum qiladi.
La Liga uning oila a’zolari, do‘stlari, klubi va muxlislariga chuqur hamdardlik bildiradi va ularning qayg‘usiga sherik bo‘ladi. Uchrashuvning yangi sanasi va vaqti tez orada e’lon qilinadi," - deyiladi La Liga bayonotida.
