"Реал" ва Ла Лига "Барселона" шифокори вафоти муносабати билан ҳамдардлик билдирди.
Бугун Ла Лига 27-туридан ўрин олган "Барселона" - "Осасуна" учрашуви каталонияликлар тиббий штаби аъзоси Карлес Миньярро вафоти сабаб қолдирилди.
"Реал Мадрид," унинг президенти ва директорлар кенгаши "Барселона" шифокори Карлес Миньярро Гарсиянинг вафотидан чуқур афсусда.
"Реал" унинг оила аъзолари, ҳамкасблари, "Барселона" ва барча яқинларига ҳамдардлик билдиради. Жойингиз жаннатда бўлсин," - дея хабар бермоқда Мадрид клуби матбуот хизмати.
"Ла Лига "Барселона" асосий жамоаси бош шифокори доктор Карлес Миньярро вафот этганини афсус билан маълум қилади ва шу муносабат билан "Барселона" ва "Осасуна" ўртасидаги бугунги ўйин мусобақа ҳаками қарорига қадар қолдирилганини маълум қилади.
Ла Лига унинг оила аъзолари, дўстлари, клуби ва мухлисларига чуқур ҳамдардлик билдиради ва уларнинг қайғусига шерик бўлади. Учрашувнинг янги санаси ва вақти тез орада эълон қилинади," - дейилади Ла Лига баёнотида.
