Italiyalik sobiq futbolchi Paolo Di Kanioning fikricha, “Napoli” bosh murabbiyi Antonio Konte chempionlikni qo‘lga kiritsa, jamoani tark etishi mumkin.
Neapolliklar ayni damda A Seriya turnir jadvalining ikkinchi pog‘onasini band etib, "Inter"dan atigi bir ochkoga ortda qolishmoqda. Mavsum tugashiga o‘n tur qoldi.
"Kontening xarakterini bilgan holda aytishim mumkinki, u yozda jamoani kuchaytirish imkoniyatidan mahrum bo‘lsa, Skudettoni qo‘lga kiritgandan so‘ng "Napoli"ni tark etadi", - deydi Di Kanio.
