Tailandning Pattaya shahrida slalomda eshkak eshish bo‘yicha xalqaro musobaqalar bo‘lib o‘tmoqda.
Ularda startga chiqqan O‘zbekiston terma jamoasi a’zosi Anvar Klevleev oltin va kumush medallarga sazovor bo‘ldi.
Kanoechimiz dastlab “Sea Open” musobaqasida kumush, so‘ngra “Thailand Open” turnirida oltin medal sohibiga aylandi.
Endi hamyurtlarimiz ushbu shaharda 12-martgacha tashkil etiladigan U-18 va U-23 yosh toifalaridagi qit’a birinchiliklarida ishtirok etishadi.













