Angliya chempionati yakunlanishiga 9 tur qoldi. Opta nashri chempionlikni qaysi jamoa qo‘lga kiritishi borasida o‘z taxminlarini e’lon qildi. Bu haqida manbaga tayanib Championat nashri xabar berdi.
Sun’iy intellekt hisob-kitoblariga ko‘ra, “Liverpul” deyarli chempion – Arne Slot jamoasining g‘olib bo‘lish ehtimoli 99,4% deb baholanmoqda. 2-pog‘onadagi “Arsenal”ning imkoniyati esa bor-yo‘g‘i 0,6%. Boshqa jamoalar esa chempionlik poygasidan deyarli chiqib bo‘lgan.
Superkompyuter taxminlariga ko‘ra, kuchli beshlik quyidagicha ko‘rinish oladi:
1. “Liverpul”
2. “Arsenal”
3. “Manchester Siti”
4. “Nottengem Forest”
5. “Chelsi”
Shuningdek, “Tottenhem” 14, “Manchester Yunayted” 15-o‘rinni egallashi mumkinligi xabar qilingan.
Hozirda “Liverpul” 29-turdan keyin 70 ochko bilan musobaqa jadvalida peshqadam bo‘lib turibdi. “Arsenal” 28 o‘yinda 55 ochko to‘plagan holda ikkinchi o‘rinda bormoqda.
