Sport Bild xabariga ko‘ra, Xavi Simonsning yozda "RB Leypsig"ni tark etish ehtimoli tobora ortib bormoqda, garchi klub uning shartnomasini shu yil sotib olgan bo‘lsa ham. So‘nggi vaqtlarda 21 yoshli futbolchi kiyinish xonasida janjal keltirib chiqarayotgani haqida mish-mishlar tarqaldi.
Agar "Leypsig" ECHL yo‘llanmasini qo‘lga kirita olmasa, ketish muqarrar ko‘rinadi. Qishda "Leypsig" Simonsning shartnomasini 50+30 million yevroga to‘liq sotib oldi, ammo mavsumning ikkinchi qismida yarim himoyachi butun jamoa kabi o‘z salohiyatini to‘liq namoyish eta olmadi.
Agar Simonsning sotilishi haqiqatga aylansa, "Leypsig" u uchun sarflaganidan ko‘proq pul olishi deyarli aniq, chunki niderlandiyalik futbolchiga APL klublari qiziqish bildirmoqda. Shu bilan birga, "Leypsig" "Mayns" futbolchisi Nadim Amirini kuzatib borayotgani aytilmoqda. U Simonsga o‘rinbosar sifatida ko‘riladimi yoki yo‘qmi - hozircha noma’lum.
Eslatib o‘tamiz, Simons bu mavsumda "Leypsig" safida barcha musobaqalarda 24 ta o‘yinda 7 ta gol va 4 ta golli uzatmani amalga oshirgan.
