"Roma" bosh murabbiyi Klaudio Ranyeri jamoa Yevropa Ligasini tark etganidan keyingi taassurotlari bilan o‘rtoqlashdi.
Rimliklar 1/8 final javob bahsida Bilbaoning "Atletik" klubiga imkoniyatni boy berib qo‘ydi - 1:3 (ikki o‘yin natijasiga ko‘ra 2:3). O‘yinning 11-daqiqasidayoq to‘g‘ridan-to‘g‘ri qizil kartochka olgan himoyachi Mats Xummels qaysidir ma’noda mag‘lubiyatga sababchi bo‘ldi.
"Bu toza chetlatish. Xummels avvalroq to‘pni chapga uzatishi kerak edi, biroq bunday qilmadi. Shunday bo‘lib turadi. U buyuk chempion, lekin bunday holat hammada bo‘ladi. Hech narsaga qaramay, jamoaga minnatdorchilik bildirmoqchiman. Yigitlar ahillik ko‘rsatib, qiyin vaziyatda jon-jahdlari bilan kurashdilar. Albatta, bu achinarli, chunki o‘yin muvaffaqiyatli o‘tishi mumkinligini his qildik, lekin men hech kimni ayblamayman," - deya Ranyerining so‘zlarini keltiradi «TMW».
