"Рома" бош мураббийи Клаудио Раньери жамоа Европа Лигасини тарк этганидан кейинги таассуротлари билан ўртоқлашди.

Римликлар 1/8 финал жавоб баҳсида Бильбаонинг "Атлетик" клубига имкониятни бой бериб қўйди - 1:3 (икки ўйин натижасига кўра 2:3). Ўйиннинг 11-дақиқасидаёқ тўғридан-тўғри қизил карточка олган ҳимоячи Матс Хуммельс қайсидир маънода мағлубиятга сабабчи бўлди.

"Бу тоза четлатиш. Хуммельс аввалроқ тўпни чапга узатиши керак эди, бироқ бундай қилмади. Шундай бўлиб туради. У буюк чемпион, лекин бундай ҳолат ҳаммада бўлади. Ҳеч нарсага қарамай, жамоага миннатдорчилик билдирмоқчиман. Йигитлар аҳиллик кўрсатиб, қийин вазиятда жон-жаҳдлари билан курашдилар. Албатта, бу ачинарли, чунки ўйин муваффақиятли ўтиши мумкинлигини ҳис қилдик, лекин мен ҳеч кимни айбламайман," - дея Раньерининг сўзларини келтиради «TMW».