"Atletik" vingeri Niko Uilyams Yevropaning top-klublari qiziqishlari doirasiga tushib qoldi, deya xabar bermoqda jurnalist Kristian Falk.

Manbaga ko‘ra, 22 yoshli ispaniyalik futbolchiga "Bavariya" qiziqish bildirmoqda. Bundan tashqari, Londonning "Arsenal" klubi ham futbolchining jamoasi bilan aloqada bo‘lib turibdi.

Uilyamsning "Atletik" bilan shartnomasida sotib olish summasi 60 milliondan 80 million yevrogacha bo‘lishi haqida band bor.

Joriy mavsumda vinger barcha musobaqalarda 36 ta o‘yinda maydonga tushib, 9 ta gol urdi va 7 ta golli uzatmani amalga oshirdi.