"Атлетик" вингери Нико Уильямс Европанинг топ-клублари қизиқишлари доирасига тушиб қолди, дея хабар бермоқда журналист Кристиан Фальк.
Манбага кўра, 22 ёшли испаниялик футболчига "Бавария" қизиқиш билдирмоқда. Бундан ташқари, Лондоннинг "Арсенал" клуби ҳам футболчининг жамоаси билан алоқада бўлиб турибди.
Уильямснинг "Атлетик" билан шартномасида сотиб олиш суммаси 60 миллиондан 80 миллион еврогача бўлиши ҳақида банд бор.
Жорий мавсумда вингер барча мусобақаларда 36 та ўйинда майдонга тушиб, 9 та гол урди ва 7 та голли узатмани амалга оширди.
