Superliga 2-turi doirasidagi «Sho‘rtan» va «Bunyodkor» jamoalari o‘rtasidagi o‘yin Qarshi shahrida o‘tkazildi.

Jamoalar dastlabki daqiqalarda bir-birlarini o‘rganish bilan band bo‘lishdi. "Sho‘rtan" futbolchilari bir necha bor xavfli vaziyat yaratishga urindilar, ammo gol kiritishning uddasidan chiqa olishmadi.  

Birinchi bo‘limning 23-daqiqasida "Bunyodkor" hujumchisi Luis Kachorri hisobni ochdi – 0:1. Ushbu goldan so‘ng "Sho‘rtan" futbolchilari hujumga zo‘r berdilar. Ayniqsa, Javohir Hasanov va Murodxo‘ja Jabborovning faol o‘yinlari raqib darvozasi oldida bir necha xavfli vaziyatlarni yuzaga keltirdi.  

Ikkinchi bo‘limda "Sho‘rtan" hisobni tenglashtirishga urindi, biroq "Bunyodkor" himoyasi mustahkam edi. 58-daqiqada Luis Kachorri dubl qayd etib, hisobni 0:2 ga yetkazdi.

"Sho‘rtan" murabbiylar shtabi o‘yinga jon kiritish maqsadida bir necha o‘zgarishlarni amalga oshirdi. Maydonga yangi kuchlar qo‘shildi va jamoa faollikni oshirdi.  

O‘yinning so‘nggi daqiqalarida "Sho‘rtan" gol urishga yaqin keldi. Asadbek Saitxonov raqib darvozasini ishg‘ol qildi, biroq hakam ofsayd tufayli golni hisobga olmadi.

90+1-daqiqada "Bunyodkor" penalti tepish imkoniyatiga ega bo‘ldi, biroq Shohruhjon Eshboyev ajoyib seyvi bilan jamoasini muqrarar goldan qutqarib qoldi. Aks holda Luis Kachorri "xet-trik"ga erishgan bo‘lardi.

Natijada, "Bunyodkor" 2:0 hisobiga g‘alaba qozondi va o‘z ochkolarini 4 taga yetkazib oldi. "Sho‘rtan" hisobida esa ochko mavjud emas.

Superliga. 2-tur
SHO‘RTAN - BUNYODKOR - 0:2
Gollar: Luis Kachorri, 23 (0:1), Luis Kachorri, 58 (0:2)
Noaniq penalti: Luis Kachorri, 90+1 ("Bunyodkor", darvozabon qaytardi)