Суперлига 2-тури доирасидаги «Шўртан» ва «Бунёдкор» жамоалари ўртасидаги ўйин Қарши шаҳрида ўтказилди.

Жамоалар дастлабки дақиқаларда бир-бирларини ўрганиш билан банд бўлишди. "Шўртан" футболчилари бир неча бор хавфли вазият яратишга уриндилар, аммо гол киритишнинг уддасидан чиқа олишмади.  

Биринчи бўлимнинг 23-дақиқасида "Бунёдкор" ҳужумчиси Луис Качорри ҳисобни очди – 0:1. Ушбу голдан сўнг "Шўртан" футболчилари ҳужумга зўр бердилар. Айниқса, Жавоҳир Ҳасанов ва Муродхўжа Жабборовнинг фаол ўйинлари рақиб дарвозаси олдида бир неча хавфли вазиятларни юзага келтирди.  

Иккинчи бўлимда "Шўртан" ҳисобни тенглаштиришга уринди, бироқ "Бунёдкор" ҳимояси мустаҳкам эди. 58-дақиқада Луис Качорри дубль қайд этиб, ҳисобни 0:2 га етказди.

"Шўртан" мураббийлар штаби ўйинга жон киритиш мақсадида бир неча ўзгаришларни амалга оширди. Майдонга янги кучлар қўшилди ва жамоа фаолликни оширди.  

Ўйиннинг сўнгги дақиқаларида "Шўртан" гол уришга яқин келди. Асадбек Саитхонов рақиб дарвозасини ишғол қилди, бироқ ҳакам офсайд туфайли голни ҳисобга олмади.

90+1-дақиқада "Бунёдкор" пенальти тепиш имкониятига эга бўлди, бироқ Шоҳруҳжон Эшбоев ажойиб сейви билан жамоасини муқрарар голдан қутқариб қолди. Акс ҳолда Луис Качорри "хет-трик"га эришган бўларди.

Натижада, "Бунёдкор" 2:0 ҳисобига ғалаба қозонди ва ўз очколарини 4 тага етказиб олди. "Шўртан" ҳисобида эса очко мавжуд эмас.

Суперлига. 2-тур
ШЎРТАН - БУНЁДКОР - 0:2
Голлар: Луис Качорри, 23 (0:1), Луис Качорри, 58 (0:2)
Ноаниқ пенальти: Луис Качорри, 90+1 ("Бунёдкор", дарвозабон қайтарди)