"Real Sosyedad" yarim himoyachisi Martin Subimendi Londonning "Arsenal" klubiga o‘tishga yaqinlashdi.
"Kanonirlar" o‘tgan yildan beri ispaniyalik futbolchiga qiziqish bildirmoqda. Jurnalist Devid Ornshteynning ma’lum qilishicha, ingliz klubining futbolchi vakillari bilan muzokaralari yuqori bosqichda. "Arsenal"dagilar bu kelishuvni kelasi yozda yopishlariga deyarli ishonishmoqda.
Transfer qiymati taxminan 60 million yevroni tashkil etadi - bu Martin Subimendining "Real Sosyedad" bilan shartnomasidagi tovon puli. Fevral oyida tayanch yarim himoyachisi 26 yoshga to‘ldi.
Eslatib o‘tamiz, Subimendi o‘tgan yozda "Liverpul"ga o‘tishdan bosh tortgan edi.