"Реал Сосьедад" ярим ҳимоячиси Мартин Субименди Лондоннинг "Арсенал" клубига ўтишга яқинлашди.
"Канонирлар" ўтган йилдан бери испаниялик футболчига қизиқиш билдирмоқда. Журналист Дэвид Орнштейннинг маълум қилишича, инглиз клубининг футболчи вакиллари билан музокаралари юқори босқичда. "Арсенал"дагилар бу келишувни келаси ёзда ёпишларига деярли ишонишмоқда.
Трансфер қиймати тахминан 60 миллион еврони ташкил этади - бу Мартин Субимендининг "Реал Сосьедад" билан шартномасидаги товон пули. Февраль ойида таянч ярим ҳимоячиси 26 ёшга тўлди.
Эслатиб ўтамиз, Субименди ўтган ёзда "Ливерпуль"га ўтишдан бош тортган эди.













