Madridning «Real» jamoasi hujumchisi Kilian Mbappe «Vilyarreal» darvozasiga 2 ta gol urganidan so‘ng (2:1) Ispaniya chempionatining 28-tur o‘yinida braziliyalik Ronaldoning madridliklar safida debyut mavsumida urgan gollari soni bo‘yicha natijasini ortda qoldirdi. Endi fransiyalik futbolchining hisobida 31 ta gol bor, Ronaldo esa 30 ta gol urgan edi. Kilian ushbu tarixiy futbolchi bilan taqqoslanishiga munosabat bildirdi.  

«Ronaldo va Krishtianu Ronaldu – afsonalar. Agar men Ronaldodan ko‘proq gol urgan bo‘lsam va Krishtianu Ronaldudan ham ko‘proq ursam, bu men ulardan yaxshiroq ekanimni anglatmaydi. Bu men uchun yaxshi mavsum, shunchaki raqamlar. Eng muhimi – sovrinlar qo‘lga kiritish, agar sovrinlar bo‘lmasa, qolgan narsalar befoyda», – dedi Mbappe «Real» klubining televideniyesida.  

Krishtianu Ronaldu «Real» safidagi debyut mavsumida 33 ta gol urgan. Bu ko‘rsatkich bo‘yicha rekord esa Ivan Samoranogo tegishli bo‘lib, u 37 ta gol urgan.