"Bavariya" direktorlar kengashida ishlaydigan Karl-Xayns Rummenigge klubning Milanning "Inter" klubi yarim himoyachisi Xakan Chalxano‘g‘liga qiziqishi haqida gapirdi.
Turkiyalik futbolchi o‘tgan yilning yozida Myunxen grandi safiga o‘tishi mumkinligi aytilgandi. Keyinchalik xavbekning o‘zi uni chindan ham "Bavariya"da ko‘rmoqchi bo‘lishganini aytdi.
"Bu noto‘g‘ri, - deb javob berdi Rummenigge. - O‘tgan yozda ularga qiziqmaganmiz va bu pozisiya uchun futbolchi qidirmaymiz. Bizda shartnomani uzaytirgan Kimmix, shuningdek, Pavlovich, Palinya, Goretska, Laymer va Gerreyru bor," - dedi mashhur germaniyalik sobiq hujumchi Corriere della Sera nashriga bergan intervyusida.
