"Бавария" директорлар кенгашида ишлайдиган Карл-Хайнц Румменигге клубнинг Миланнинг "Интер" клуби ярим ҳимоячиси Хакан Чалханўғлига қизиқиши ҳақида гапирди.
Туркиялик футболчи ўтган йилнинг ёзида Мюнхен гранди сафига ўтиши мумкинлиги айтилганди. Кейинчалик хавбекнинг ўзи уни чиндан ҳам "Бавария"да кўрмоқчи бўлишганини айтди.
"Бу нотўғри, - деб жавоб берди Румменигге. - Ўтган ёзда уларга қизиқмаганмиз ва бу позиция учун футболчи қидирмаймиз. Бизда шартномани узайтирган Киммих, шунингдек, Павлович, Палинья, Горетцка, Лаймер ва Геррейру бор," - деди машҳур германиялик собиқ ҳужумчи Corriere della Sera нашрига берган интервьюсида.
