Antuan Grizmann oilaviy sabablarga ko‘ra MLSga ko‘chib o‘tmoqchi.
Mart oyining oxiriga qadar 33 yoshli forvard va "Atletiko" rahbarlari yig‘ilish o‘tkazadi, unda jahon chempionining kelajagi 90 foiz hal bo‘ladi.
Grizmann oilaviy sabablarga ko‘ra MLS klubiga o‘tmoqchi. Fransiyalik Ugo Lyoris va Olivye Jiru to‘p tepayotgan "Los-Anjeles" bilan muzokaralar qizg‘in pallada, deb xabar beradi Relevo.
"Atletiko" Antuanning 2026 yilning yoziga qadar amalda bo‘lgan shartnomasiga qaramay, futbolchiga to‘sqinlik qilmaydi, chunki klub va futbolchi o‘rtasidagi munosabatlar sof futbol doirasidan tashqariga chiqadi va o‘zaro hurmat cheksiz.
Futbolchi esa, o‘z navbatida, klubdagi so‘nggi soniyalargacha jamoa uchun bor kuchini bermoqchi va madridliklarga chempionlikni qo‘lga kiritishda yordam berishga harakat qiladi.
Grizmann MLSga o‘tishga yaqin, ammo avval "Atletiko" bilan rasmiyatchiliklarni hal qilish kerak.
Hujumchi bu mavsumda La Ligada 27 ta o‘yinda 8 ta gol urdi va 5 ta golga assistentlik qildi.
