Антуан Гризманн оилавий сабабларга кўра МЛСга кўчиб ўтмоқчи.
Март ойининг охирига қадар 33 ёшли форвард ва "Атлетико" раҳбарлари йиғилиш ўтказади, унда жаҳон чемпионининг келажаги 90 фоиз ҳал бўлади.
Гризманн оилавий сабабларга кўра МЛС клубига ўтмоқчи. Франциялик Уго Льорис ва Оливье Жиру тўп тепаётган "Лос-Анжелес" билан музокаралар қизғин паллада, деб хабар беради Relevo.
"Атлетико" Антуаннинг 2026 йилнинг ёзига қадар амалда бўлган шартномасига қарамай, футболчига тўсқинлик қилмайди, чунки клуб ва футболчи ўртасидаги муносабатлар соф футбол доирасидан ташқарига чиқади ва ўзаро ҳурмат чексиз.
Футболчи эса, ўз навбатида, клубдаги сўнгги сонияларгача жамоа учун бор кучини бермоқчи ва мадридликларга чемпионликни қўлга киритишда ёрдам беришга ҳаракат қилади.
Гризманн МЛСга ўтишга яқин, аммо аввал "Атлетико" билан расмиятчиликларни ҳал қилиш керак.
Ҳужумчи бу мавсумда Ла Лигада 27 та ўйинда 8 та гол урди ва 5 та голга ассистентлик қилди.
