Ispaniya La Ligasi "Real" bosh murabbiyining "qirollik klubi"ga ikki marta o‘yinni boshqa muddatga ko‘chirish rad etilgani haqidagi so‘zlariga javob qaytardi.
Marca nashrining ma’lum qilishicha, Madrid grandi La Liga o‘yinlari taqvimini o‘zgartirishni so‘rab murojaat qilmagan. Avvalroq Anchelotti agar jamoasi o‘yinlar oralig‘ida kamida 72 soat dam olmasa, boshqa maydonga tushmasligini aytgandi.
Ispaniya chempionatining 28-turida "qirollik klubi" safarda "Vilyarreal"ga qarshi bahs olib bordi. "Real" 2:1 hisobidagi g‘alabani tantana qildi.
