"Atalanta" A Seriya 29-turida o‘z maydonida "Inter"ga yengildi - 0:2.
Bergamoliklar ustozi Jan Pyero Gasperini o‘yindan so‘ng hakamni tanqid qildi.
"Uchrashuv oxiridagi qizil kartochka o‘yinning yakunini buzdi - bizning, muxlislarning, hammamizning. Menimcha, hakam u vaziyatda keragidan oshirib yubordi. Bunday keskin o‘yinlarda ko‘p narsani ma’lum epizodlar hal qiladi - masalan, tanaffusdan ko‘p o‘tmay "Inter"ning birinchi goli. O‘ylaymanki, biz o‘yin oxirida o‘z so‘zimizni aytishimiz mumkin edi, lekin hakam bunday imkoniyatni boshidanoq yo‘qqa chiqardi," - deya Gasperinining so‘zlarini keltirmoqda fcinter1908.it.
