"Barselona" bosh murabbiyi Xans-Diter Flik "Atletiko Madrid"ga (4:2) qarshi o‘yindagi g‘alabali kambekdan so‘ng Ferran Torres haqidagi savolga javob berdi.

Ispaniyalik futbolchi 67-daqiqada zaxiradan maydonga tushdi, ko‘p o‘tmay, “matraschilar” 2:0 hisobida oldinga chiqib olishdi.

Torres 78-daqiqada hisobni tenglashtirgan bo‘lsa, qo‘shib berilgan vaqtning 8-daqiqasida dubl qayd etib, «ko‘k-anorranglilar»ning yorqin g‘alabasini ta’minladi.

O‘yindan keyingi matbuot anjumanida OAV Flikdan Torresning zaxiradan maydonga tushganidan so‘ng o‘yinlarni hal qilish qobiliyatiga izoh berishni so‘radi:

"Bizda asosiy tarkib kuchli, ammo zaxiradan maydonga tushadigan futbolchilar ham juda yaxshi. Ularning barchasi mashg‘ulotlarda yaxshi o‘ynashadi.

Biz hammadan maksimal foyda olishni istaymiz", deb javob berdi nemis murabbiyi.