"Барселона" бош мураббийи Ханс-Дитер Флик "Атлетико Мадрид"га (4:2) қарши ўйиндаги ғалабали камбэкдан сўнг Ферран Торрес ҳақидаги саволга жавоб берди.
Испаниялик футболчи 67-дақиқада захирадан майдонга тушди, кўп ўтмай, “матрасчилар” 2:0 ҳисобида олдинга чиқиб олишди.
Торрес 78-дақиқада ҳисобни тенглаштирган бўлса, қўшиб берилган вақтнинг 8-дақиқасида дубл қайд этиб, «кўк-анорранглилар»нинг ёрқин ғалабасини таъминлади.
Ўйиндан кейинги матбуот анжуманида ОАВ Фликдан Торреснинг захирадан майдонга тушганидан сўнг ўйинларни ҳал қилиш қобилиятига изоҳ беришни сўради:
"Бизда асосий таркиб кучли, аммо захирадан майдонга тушадиган футболчилар ҳам жуда яхши. Уларнинг барчаси машғулотларда яхши ўйнашади.
Биз ҳаммадан максимал фойда олишни истаймиз", деб жавоб берди немис мураббийи.
