"Manchester Yunayted" rahbariyati yozgi transferlar vaqtida jamoaning hujum chizig‘ini kuchaytirmoqchi. Bu haqda Todofichajes portali sahifalarida ma’lum qilindi.
"Qizil iblislar" nishonida Ispaniya chempionatining ikki futbolchisi bor. "Manchester Yunayted" Kataloniyaning "Barselona" klubi vingeri Rafinya va "Atletik" hujumkor yarim himoyachisi Niko Uilyamsdan birini tanlamoqda. Birinchisining bozor narxi 80 million yevroga, ikkinchisi esa 70 million yevroga baholanmoqda.
"Manchester Yunayted" Angliya Premyer-ligasining joriy mavsumida muvaffaqiyatsizlikka uchramoqda. 29 turdan so‘ng Ruben Amorim shogirdlari jadvalda 13-o‘rinni egallab turibdi.
