"Манчестер Юнайтед" раҳбарияти ёзги трансферлар вақтида жамоанинг ҳужум чизиғини кучайтирмоқчи. Бу ҳақда Todofichajes портали саҳифаларида маълум қилинди.
"Қизил иблислар" нишонида Испания чемпионатининг икки футболчиси бор. "Манчестер Юнайтед" Каталониянинг "Барселона" клуби вингери Рафинья ва "Атлетик" ҳужумкор ярим ҳимоячиси Нико Уильямсдан бирини танламоқда. Биринчисининг бозор нархи 80 миллион еврога, иккинчиси эса 70 миллион еврога баҳоланмоқда.
"Манчестер Юнайтед" Англия Премьер-лигасининг жорий мавсумида муваффақиятсизликка учрамоқда. 29 турдан сўнг Рубен Аморим шогирдлари жадвалда 13-ўринни эгаллаб турибди.
