"Benfika" tarbiyalanuvchisi Mile Svilar Yevropaning eng yaxshi yosh darvozabonlari qatorida o‘zini ko‘rsatishda davom etmoqda. Endi u klub uning muvaffaqiyatini nafaqat og‘zaki, balki moliyaviy jihatdan ham tan olishini kutmoqda.

Hozircha futbolchining “Roma” bilan shartnomasi 2027 yilgacha amal qiladi va uning maoshi mavsumiga 1 million yevroni tashkil qiladi. Oxirgi muzokaralar chog‘ida darvozabonning agenti shartnoma uzaytirilsa, yiliga 4 million yevro so‘ragan. Bu "bo‘rilar" rahbariyati uchun kutilmagan so‘rov bo‘ldi, ammo klub Svilarni saqlab qolish uchun jiddiy taklif bilan chiqishlari kerakligini tushunadi.

Svilardan farqli o‘laroq, Artem Dovbikning ahvoli ancha murakkab ko‘rinadi. O‘tgan yozda "Jirona"dagi ajoyib mavsumdan so‘ng "Roma"ga ko‘chib o‘tgan ukrainalik forvard haligacha umidlarni oqlamadi.

Klub endi ukrainalikni daxlsiz deb hisoblamaydi va agar vaziyat o‘zgarmasa, "Roma" uni yozda transferga qo‘yishga tayyor.

Joriy mavsum Dovbik "Roma" safida barcha turnirlarda 38 ta o‘yinda maydonga tushib, 15 ta gol va 4 ta golli uzatmaga mualliflik qilgan.