"Бенфика" тарбияланувчиси Миле Свилар Европанинг энг яхши ёш дарвозабонлари қаторида ўзини кўрсатишда давом этмоқда. Энди у клуб унинг муваффақиятини нафақат оғзаки, балки молиявий жиҳатдан ҳам тан олишини кутмоқда.
Ҳозирча футболчининг “Рома” билан шартномаси 2027 йилгача амал қилади ва унинг маоши мавсумига 1 миллион еврони ташкил қилади. Охирги музокаралар чоғида дарвозабоннинг агенти шартнома узайтирилса, йилига 4 миллион евро сўраган. Бу "бўрилар" раҳбарияти учун кутилмаган сўров бўлди, аммо клуб Свиларни сақлаб қолиш учун жиддий таклиф билан чиқишлари кераклигини тушунади.
Свилардан фарқли ўлароқ, Артем Довбикнинг аҳволи анча мураккаб кўринади. Ўтган ёзда "Жирона"даги ажойиб мавсумдан сўнг "Рома"га кўчиб ўтган украиналик форвард ҳалигача умидларни оқламади.
Клуб энди украиналикни дахлсиз деб ҳисобламайди ва агар вазият ўзгармаса, "Рома" уни ёзда трансферга қўйишга тайёр.
Жорий мавсум Довбик "Рома" сафида барча турнирларда 38 та ўйинда майдонга тушиб, 15 та гол ва 4 та голли узатмага муаллифлик қилган.
