Madridning "Real" klubi Londonning "Arsenal" klubidan umidli himoyachi sotib olish haqida o‘ylamoqda.

Fichajes nashri tarqatgan xabarga ko‘ra "qaymoqranglilar" rahbariyati "kanonirlar" himoyasida universalligini ko‘rsatgan 22 yoshli Rikkardo Kalafyorini transfer qilish variantini ko‘rib chiqmoqda. Italiyalik himoyachining o‘sishi e’tibordan chetda qolmadi, shu bois yozda jamoasi tarkibini kuchaytirishni maqsad qilgan "qirollik klubi" Italiya terma jamoasining iqtidorli futbolchisini kuzatib bormoqda.

"Arsenal" o‘z futbolchisini 80 million yevrodan kamiga qo‘yib yubormaydi, bu esa vaziyatni murakkablashtiradi. Eslatib o‘tamiz, "kanonirlar" Kalafyorini o‘tgan yozda "Bolonya"dan 45 million yevro evaziga sotib olgan edi.