Italiyaning "Milan" klubi Chempionship himoyachisi uchun APLning ikki klubi bilan kurash olib boradi.
Football League World saytidagi xabarda aytilishicha, "Byornli"dan 22 yoshli Maksim Estevga "Milan," shuningdek, uni o‘tgan yildan buyon kuzatib kelayotgan "Everton" va "Vest Xem" boshchiligidagi Angliya Premyer-ligasining bir necha klublari qiziqish bildirmoqda.
Qayd etilishicha, "rossonerilar" skautlari frantsiyalik himoyachini kuzatib borgan va uning o‘yini haqida ajoyib fikrlar bildirilgan. Shuningdek, futbolchining o‘zi ham eng yuqori darajadagi o‘yinlarga tayyor ekani ma’lum. Uning klub bilan amaldagi shartnomasi 2029 yilning yozigacha mo‘ljallangan.













