Xavi yozda terma jamoa yoki klubni boshqarishga tayyorligini va takliflarni kutayotganini aytdi.
"Menga iyungacha tanaffus kerak, undan keyin esa klublar va terma jamoalardan takliflarni eshitishga tayyorman.
Yevro yoki jahon chempionati saralashida ishtirok etayotgan terma jamoa bilan ishlash, jahon chempionatida o‘ynash yoki [klub bilan] yana Chempionlar ligasiga chiqib, g‘oliblik uchun kurashish mumkin.
Butun hayotim davomida zimmamda ulkan mas’uliyat bor edi va iyungacha menga ko‘proq xotirjamlik kerak edi. Iyun oyida bozor nima taklif qilishini ko‘ramiz.
Meni g‘alabalarga ilhomlantiradigan yangi loyihaga chanqoqman. Men mashg‘ulotlarni davom ettirishni istayman," - dedi "Barsa"ning sobiq futbolchisi va murabbiyi France Football nashriga bergan intervyusida.
