Хави ёзда терма жамоа ёки клубни бошқаришга тайёрлигини ва таклифларни кутаётганини айтди.
"Менга июнгача танаффус керак, ундан кейин эса клублар ва терма жамоалардан таклифларни эшитишга тайёрман.
Евро ёки жаҳон чемпионати саралашида иштирок этаётган терма жамоа билан ишлаш, жаҳон чемпионатида ўйнаш ёки [клуб билан] яна Чемпионлар лигасига чиқиб, ғолиблик учун курашиш мумкин.
Бутун ҳаётим давомида зиммамда улкан масъулият бор эди ва июнгача менга кўпроқ хотиржамлик керак эди. Июнь ойида бозор нима таклиф қилишини кўрамиз.
Мени ғалабаларга илҳомлантирадиган янги лойиҳага чанқоқман. Мен машғулотларни давом эттиришни истайман," - деди "Барса"нинг собиқ футболчиси ва мураббийи France Football нашрига берган интервьюсида.
