«Barselona» bosh murabbiyi Xans-Diter Flik jamoa o‘rtasida mavsumda "trebl"ga erishish haqidagi muhokamalarni to‘xtatishga harakat qilmoqda. Bu haqda AS nashri xabar bermoqda.  

Manbaga ko‘ra, nemis mutaxassisi jamoaning o‘z kuchiga haddan tashqari ishonchi yomon oqibatlarga olib kelishi mumkin, deb hisoblaydi. Shu sababli, Flik «Barselona» futbolchilariga hali hech narsa yutilmaganini va sovrinlarni qo‘lga kiritish uchun uzoq yo‘l bosib o‘tish kerakligini ta’kidlamoqda. Murabbiy o‘z shogirdlarini ortiqcha bayonotlardan saqlanishga chaqirmoqda, chunki bu ularga salbiy ta’sir ko‘rsatishi mumkin.

Ispaniya Primerasida «Barselona» 27 ta o‘yindan so‘ng birinchi o‘rinni egallab turibdi. Kataloniyaliklar shuningdek, Ispaniya Kubogi yarim finali va Chempionlar Ligasi chorak finaliga chiqishgan.