"Nyukasl" hujumchisi Aleksandr Isak o‘z kelajagini bilmasligini va "qarg‘alar" bilan yangi shartnomani muhokama qilmaganini aytdi.

Joriy mavsumda Isak 33 ta uchrashuvda 23 ta gol urdi va 5 ta golli uzatmani amalga oshirdi. Aynan o‘tgan hafta oxirida Aleksandr Liga kubogi finalida "Nyukasl"ning "Liverpul" ustidan qozonilgan g‘alabasida muhim rol o‘ynadi.

"Liverpul" Isakni o‘ziga jalb qilmoqchi bo‘lgan top klublardan biri sifatida qayd etilgan, ammo 25 yoshli shvesiyalik hujumchi faqat mavsum yakuni haqida o‘ylamoqda.

"To‘g‘risini aytsam, bilmayman. Klub tomonidan ham, biz tomondan ham hech qanday muzokaralar bo‘lmagan. Men bor e’tiborimni o‘yinga qaratganman. Haqiqatan ham, aytadigan gapim yo‘q. Men "Nyukasl"dagi ahvolim haqida bir necha bor gapirganman.

Men shaharni va klubni qanchalik yaxshi ko‘rishim, bu yerda qanchalik yaxshi ekanligim haqida ko‘p yozildi. Men kelajak haqida o‘ylamayman. Men faqat "Nyukasl"da o‘z ta’sirini o‘tkazmoqchiman. Biz kubokni qo‘lga kiritdik, ammo biz kuchli tarzda yakunlab, Chempionlar ligasiga chiqishni xohlaymiz. Bu mening maqsadim.

Boshqa narsa haqida o‘ylashim uchun hech qanday sabab yo‘q. Men "Nyukasl"da o‘zimni juda qulay his qilyapman. Men bor e’tiborimni faqat o‘yinga qaratganman", - dedi Isak Liverpool Echo bilan suhbatda.