Londonning «Chelsi» klubi Lissabonning «Sporting» jamoasidan ikki yosh futbolchini jami taxminan 74 mln yevro evaziga sotib oldi. Bu haqda jurnalist va insayder Fabrisio Romano ijtimoiy tarmoqlarda xabar berdi.  

Manbaga ko‘ra, «aristokratlar» 17 yoshli portugaliyalik qanot hujumchisi Jeovani Kenda va 20 yoshli tayanch yarim himoyachisi Dariu Esugu bilan shartnoma imzolagan. Essugu hozirda Ispaniyaning «Las-Palmas» jamoasida ijara asosida to‘p surayotgan.  

Ma’lumotlarga ko‘ra, Essugu (22,27 mln yevro) 2025 yil yozidan «Chelsi» safiga qo‘shiladi, Kenda esa (52,14 mln) yana bir yil «Sporting»da qolib, 2026 yil yozidan «Chelsi» futbolchisiga aylanadi.  

Joriy mavsumda «Las-Palmas»ning tayanch yarim himoyachisi barcha musobaqalarda 19 ta o‘yin o‘tkazib, bir gol urgan. Kenda esa Lissabon klubi uchun 44 ta o‘yinda maydonga tushib, 2 ta gol va 8 ta golli uzatma amalga oshirgan.