Madridning "Real" klubi va Germaniya terma jamoasi futbolchisi Antonio Ryudiger italiyalik himoyachilar haqida fikr bildirdi.
Payshanba kuni bundestim Millatlar Ligasi 1/4 finali doirasida "skuadra adzurra" mehmoni bo‘ladi. Uch kundan so‘ng Germaniyada javob uchrashuvi bo‘lib o‘tadi.
"Bastoni doimiy ravishda takomillashib bormoqda, u "Inter" yetakchisiga aylandi. Kalafyoriga kelsak, men uni "Roma"dan beri bilaman, o‘shanda u mahalliy yoshlar jamoasida o‘ynagan va jiddiy jarohat olgan. Hozir u "Arsenal"da, uning kelajagi porloq, ammo hozircha eng yaxshi (Italiya himoyachisi) - Bastoni, shubhasiz," - dedi Ryudiger matbuot anjumanida.
