"Liverpul" "Barselona" da’vogarlik qilayotgan hujumchi Luis Dias bilan xayrlashmoqchi emas.
Ma’lumotlarga qaraganda, Kataloniya grandi allaqachon kolumbiyalik futbolchining transferi uchun mablag‘ qidirmoqda - ehtimoliy bitim qiymati 70 mln yevrodan ko‘proqqa baholanmoqda. 28 yoshli futbolchining o‘zi ham "ko‘k-anorranglilar" safiga o‘tish istagida. Shunga qaramay, Football Insider xabariga ko‘ra, "Liverpul"da Diasni sotish istagi yo‘q, shuning uchun u bilan yangi shartnoma tuzishga harakat qilishmoqda.
Futbolchining "qizillar" bilan amaldagi kelishuvi 2027 yilning yarmigacha mo‘ljallangan. Hujumchi joriy mavsumda Arne Slot jamoasi safida 42 ta bahsda 13 ta gol va beshta golli uzatmani o‘z hisobiga yozdirib qo‘ydi.
