"Ливерпуль" "Барселона" даъвогарлик қилаётган ҳужумчи Луис Диас билан хайрлашмоқчи эмас.

Маълумотларга қараганда, Каталония гранди аллақачон колумбиялик футболчининг трансфери учун маблағ қидирмоқда - эҳтимолий битим қиймати 70 млн евродан кўпроққа баҳоланмоқда. 28 ёшли футболчининг ўзи ҳам "кўк-анорранглилар" сафига ўтиш истагида. Шунга қарамай, Football Insider хабарига кўра, "Ливерпуль"да Диасни сотиш истаги йўқ, шунинг учун у билан янги шартнома тузишга ҳаракат қилишмоқда.

Футболчининг "қизиллар" билан амалдаги келишуви 2027 йилнинг ярмигача мўлжалланган. Ҳужумчи жорий мавсумда Арне Слот жамоаси сафида 42 та баҳсда 13 та гол ва бешта голли узатмани ўз ҳисобига ёздириб қўйди.