Millatlar ligasi chorak final o‘yini oldidan intervyu berar ekan, “Arsenal”ning italiyalik himoyachisi Rikkardo Kalafiori “kanonirlar” bosh murabbiyi bilan uchrashish chog‘ida hayratga tushgani haqida gapirdi.
"Uning men bilan tanishishi qanchalik muhim ekanligi meni darhol hayratda qoldirdi. Bir kuni u menga telefonda oilamning bir nechta fotosuratlarini yubordi va har bir oila a’zosi men uchun nimani anglatishini aytib berishimni so‘radi. Bu men bilan ilgari hech qachon sodir bo‘lmagan", dedi Kalafiori.
Italiyalik futbolchi o‘tgan yozda “Bolonya”dan “Arsenal”ga o‘tgan edi. Joriy mavsumda u barcha turnirlarda 26 ta o‘yin o‘tkazib, 3 ta gol urdi va 2 ta golli uzatmani amalga oshirdi.
