"Yuventus" tez orada iste’foga chiqarilishi mumkin bo‘lgan Tyago Mottaga o‘rinbosar izlashda davom etmoqda.

"Byankonerilar"ning hozirgi bosh murabbiyi o‘rniga asosiy nomzod Roberto Manchini bo‘lib turibdi, ammo klub rahbariyati boshqa variantlarni ham ko‘rib chiqmoqda. Shunday qilib, jurnalist Franko Leonettining xabar berishicha, "keksa sinyora" allaqachon Igor Tudor bilan bog‘langan. Xorvatiyalikka joriy mavsum oxirigacha mo‘ljallangan qisqa muddatli shartnoma taklif qilindi. 46 yoshli mutaxassis bunday shartlarni qabul qilmadi va kamida 2026 yilning yozigacha shartnoma tuzishni so‘radi. Hozircha muzokaralar to‘xtatilgan.

Igor Tudor o‘tgan yilning iyun oyida rimliklar boshqaruvidagi uch oylikdan so‘ng "Lasio"ni tark etgandi. O‘shandan beri u ishsiz yuribdi.