"Yuventus" markaziy himoyachisi Federiko Gatti "Napoli"ga o‘tishi mumkin. 26 yoshli futbolchi hamon "keksa sinyora" bilan yangi shartnoma imzolagani yo‘q, garchi bu haqda anchadan beri gap-so‘zlar yurgan bo‘lsa-da. Jurnalist Rikkardo Melonining ma’lum qilishicha, "Napoli" vaziyatdan foydalanib, futbolchini kelasi yozda o‘z safiga qo‘shib olishni rejalashtirmoqda.
Federiko Gatti joriy mavsum "Yuventus" safida jami 39 ta o‘yinda maydonga tushdi va 1 ta gol hamda 2 ta golli uzatmaga mualliflik qildi. Markaziy himoyachining turinliklar bilan amaldagi kelishuvi 2028 yilning o‘rtalarida yakuniga etadi va uning transfer narxi Transfermarkt portali tomonidan 25 mln yevroga baholanmoqda.
