Fransiya terma jamoasi bosh murabbiyi Didye Desham Millatlar ligasi doirasida Xorvatiyaga qarshi o‘yin oldidan ushbu turnir fransuzlar uchun juda muhim ekanini ta’kidladi.
“Ushbu turnir juda muhim. Biz uni haqiqiy muvaffaqiyat hissi bilan yutib oldik, shuning uchun yana g‘alaba qozonish bizning maqsadlarimizdan biridir. Maqsad aniq – iyun oyida yakuniy bosqichga chiqish uchun barcha imkoniyatlarni ishga solish. Birinchi o‘yinda hech narsa hal bo‘lishi mumkin emas, lekin biz hech narsani kuta olmaymiz.
Mbappe va Dembele birga ko‘p o‘ynashgan, ular juda samarali o‘ynashdi va bizda ularga yordam bera oladigan futbolchilar bor. Agar ular yana o‘z samaradorligini namoyish qilsalar juda yaxshi bo‘ladi", - deya Desham so‘zlarini keltiradi UEFA matbuot xizmati.
20 mart, payshanba kuni Millatlar ligasi chorak finali doirasidagi Xorvatiya – Fransiya uchrashuvi bo‘lib o‘tadi.
