Франция терма жамоаси бош мураббийи Дидье Дешам Миллатлар лигаси доирасида Хорватияга қарши ўйин олдидан ушбу турнир французлар учун жуда муҳим эканини таъкидлади.
“Ушбу турнир жуда муҳим. Биз уни ҳақиқий муваффақият ҳисси билан ютиб олдик, шунинг учун яна ғалаба қозониш бизнинг мақсадларимиздан биридир. Мақсад аниқ – июн ойида якуний босқичга чиқиш учун барча имкониятларни ишга солиш. Биринчи ўйинда ҳеч нарса ҳал бўлиши мумкин эмас, лекин биз ҳеч нарсани кута олмаймиз.
Мбаппе ва Дембеле бирга кўп ўйнашган, улар жуда самарали ўйнашди ва бизда уларга ёрдам бера оладиган футболчилар бор. Агар улар яна ўз самарадорлигини намойиш қилсалар жуда яхши бўлади", - дея Дешам сўзларини келтиради УEФА матбуот хизмати.
20 март, пайшанба куни Миллатлар лигаси чорак финали доирасидаги Хорватия – Франция учрашуви бўлиб ўтади.
