Qirg‘iziston terma jamoasi darvozaboni Erjan Tokatayev O‘zbekistonga qarshi o‘yindan keyin o‘z fikrlar bilan o‘rtoqlashdi.

"Og‘ir o‘yin bo‘ldi. O‘yin oson bo‘lmasligini yaxshi his qilib turgan edik. Bunday darajadagi musobaqada oson o‘yinning o‘zi yo‘q. Qizil kartochka bizning ahvolimizni qiyinlashtirib qo‘ydi.

Agar Shomurodovning penaltidan zarbasini o‘tkazib yuborganimda yanada og‘irroq bo‘lardi. Penalti paytidagi ichki sezgilarim pand bermadi. Zarbani qaytarib, jamoamga biroz bo‘lsa-da yordam bera oldim.

Hisoblab yiriklashib ketmasligi uchun yana gol o‘tkazib yubormaslikka harakat qildim.

Dastlab ushbu o‘yindagi hissiyotlarni chiqarib yuborishimiz kerak. Ertaga esa Bishkekka qaytamiz. O‘yinni tahlil qilamiz. Ertadan Qatarga qarshi o‘yinga tayyorgarlikni boshlaymiz. O‘z uyimizda muxlislarni xursand qilishni istaymiz. Shu bois, g‘alaba qozonish uchun qo‘ldan kelgan barcha ishni qilamiz.

Bizni qo‘llab-quvvatlash uchun shuncha yo‘l bosib kelgan muxlislarimizga katta rahmat aytaman. Ular orasida mening ota-onam ham bor edi. Ularni tribunada ko‘rish yoqimli bo‘ldi. Muxlislarni Qatarga qarshi o‘yinda ham kutamiz", — dedi Tokatayev.