Urugvay terma jamoasi himoyachi Ronald Arauxoni "Osasuna"ga qarshi o‘yinda ishtirok etishi uchun "Barselona"ga qo‘yib yuborishi mumkin. Bu haqda El Larguero xabar bermoqda.
Shu bilan birga, manbaning qayd etishicha, Braziliya terma jamoasi Rafinyani klubga qo‘yib yuborishi aniq emas. Oldinroq La Liga rahbariyati 28 martga ko‘chirilgan "Barselona" va "Osasuna" o‘yinini belgilagan edi, garchi o‘sha vaqtda terma jamoa o‘yinlari bo‘lib o‘tadigan bo‘lsa-da. Bellashuv Toshkent vaqti bilan soat 01:00da boshlanishi rejalashtirilgan.
Ayni damda "Barselona" 27 uchrashuvdan keyin 60 ochko bilan Ispaniya chempionati turnir jadvalida peshqadamlik qilmoqda. Qayd etish kerakki, "Real"da ham shuncha ochko bor, ammo "qaymoqranglilar" bitta ko‘p o‘yin o‘tkazishgan.
