Уругвай терма жамоаси ҳимоячи Рональд Араухони "Осасуна"га қарши ўйинда иштирок этиши учун "Барселона"га қўйиб юбориши мумкин. Бу ҳақда El Larguero хабар бермоқда.
Шу билан бирга, манбанинг қайд этишича, Бразилия терма жамоаси Рафиньяни клубга қўйиб юбориши аниқ эмас. Олдинроқ Ла Лига раҳбарияти 28 мартга кўчирилган "Барселона" ва "Осасуна" ўйинини белгилаган эди, гарчи ўша вақтда терма жамоа ўйинлари бўлиб ўтадиган бўлса-да. Беллашув Тошкент вақти билан соат 01:00да бошланиши режалаштирилган.
Айни дамда "Барселона" 27 учрашувдан кейин 60 очко билан Испания чемпионати турнир жадвалида пешқадамлик қилмоқда. Қайд этиш керакки, "Реал"да ҳам шунча очко бор, аммо "қаймоқранглилар" битта кўп ўйин ўтказишган.
