Niderlandiya terma jamoasi va Germaniyaning "RB Leypsig" klubi yarim himoyachisi Xavi Simons Angliya Premyer-ligasining top-klublaridan biriga o‘tishi mumkin. Bu haqda Caught Offside jurnalistlari xabar bermoqda.
Jurnalistlarga ma’lum bo‘lishicha, 21 yoshli futbolchining xizmatlariga "Liverpul" qiziqish bildirmoqda. O‘z navbatida nemislar ham agar futbolchi uchun 80 million yevro atrofida mablag‘ taklif qilinsa, u bilan xayrlashishga tayyor. Simonsning "RB Leypsig" bilan amaldagi shartnomasi 2027 yilning yarmigacha mo‘ljallangan.
Yarim himoyachi joriy mavsum 25 ta o‘yinda qatnashib, 8 ta gol va 5 ta golli uzatma muallifi bo‘ldi.
