Нидерландия терма жамоаси ва Германиянинг "РБ Лейпциг" клуби ярим ҳимоячиси Хави Симонс Англия Премьер-лигасининг топ-клубларидан бирига ўтиши мумкин. Бу ҳақда Caught Offside журналистлари хабар бермоқда.
Журналистларга маълум бўлишича, 21 ёшли футболчининг хизматларига "Ливерпуль" қизиқиш билдирмоқда. Ўз навбатида немислар ҳам агар футболчи учун 80 миллион евро атрофида маблағ таклиф қилинса, у билан хайрлашишга тайёр. Симонснинг "РБ Лейпциг" билан амалдаги шартномаси 2027 йилнинг ярмигача мўлжалланган.
Ярим ҳимоячи жорий мавсум 25 та ўйинда қатнашиб, 8 та гол ва 5 та голли узатма муаллифи бўлди.
