"Barselona", "PSJ" va "Milan" Ronaldinyoni 45 yoshga to‘lishi bilan tabrikladi.

"Bugun "Barselona"ga tabassum olib kelgan braziliyalik dahoning tug‘ilgan kuni". Tug‘ilgan kuning bilan, Ronaldinyo!" - deyiladi Kataloniya klubi bayonotida.

"Futbol tarixidagi eng buyuk ustalardan birining tug‘ilgan kuni bilan! Sening sehring bizni hayratda qoldirishda davom etmoqda", - deyiladi "PSJ" o‘z tabriknomasida.

"Keling, bayramni davom ettiraylik! Kuningiz xayrli o‘tsin, Ronaldinyo", - deb yozadi "Milan" matbuot xizmati.

Eslatib o‘tamiz, braziliyalik futbolchi 2001 yilda "Gremio"dan "PSJ"ga o‘tgan va oradan ikki yil o‘tib "Barselona" tomonidan 30 million yevro evaziga sotib olingandi.

Kataloniya jamoasi bilan Ronaldinyo ikki marta Ispaniya chempionligi va Superkubogini qo‘lga kiritdi, 2006 yilda esa Chempionlar ligasi g‘olibiga aylandi.

Keyinchalik u "Milan"da o‘ynadi va chempionlikni qo‘lga kiritgan 2010/11 yilgi mavsumda jamoani tark etdi. Keyingi o‘rinlarni "Flamengo", "Atletiko Mineyro", "Fluminense" va Meksikaning "Keretaro" jamoalarida o‘ynadi.

Braziliya terma jamoasi tarkibida Ronaldinyo 2002 yilda jahon chempioni bo‘ldi, Amerika kubogi va Konfederasiyalar kubogini qo‘lga kiritdi. 2005 yilda "Oltin to‘p" bilan taqdirlangan. Ronaldinyo 2018 yilning yanvarida faoliyatini yakunlagan.